Bugungi kunda tariximizni, ayniqsa, oʻta soxtalashtirib talqin etilgan sovet davrini, xususan, Ikkinchi jahon urushi yillarini mafkuraviy qarashlardan xoli tarzda oʻrganish zarurati tugʻildi. Fashistlar Germaniyasini yengish va gʻalabani qoʻlga kiritishda Oʻzbekiston harbiylarining, jumladan Surxondaryolik jangchilarning salmoqli hissasini, frontda koʻrsatgan jasoratlarini, gʻalaba yoʻlida toʻkilgan qon va yoʻqotishlarni xolisona, milliy gʻoya asosida maxsus tadqiq etish zarurati paydo boʻldi. Maqolada Ikkinchi jahon urushida Surxondaryo harbiylari ishtiroki haqida soʻz boradi.