Maqolada Surxondaryo viloyati Sherobod tumani ichki ishlar boʻlimining tashkil etilishi va bu tizimda fidokorona xizmat qilgan rahbarlar faoliyati tarixiy manbalar asosida yoritilgan. Shuningdek, XX asrning turli davrlaridagi ijtimoiy-siyosiy vaziyat, jumladan, Ikkinchi jahon urushi yillari va undan keyingi davrlarda huquq-tartibot organlarining xalq osoyishtaligini taʼminlashdagi roli tahlil qilingan. Tuman IIB moddiy-texnik bazasining shakllanishi va kadrlar salohiyatini oshirishga hissa qoʻshgan polkovnik Abdusamad Bozorboyev, Abduhamid Togʻaliyev va boshqa rahbarlarning hayot yoʻli misolida soha rivoji koʻrsatib berilgan.